Lokallaget Partiet De Kristne Stryn såg dagens lys sommaren 2018. Mot alle odds klarte vi å stille kommuneliste ved kommunevalet i september 2019.
Med 38 stemmer var vi eit godt stykke ifrå å oppnå representasjon i kommunestyret. Men deltakelsen i valkampen og erfaringane i debattar og på stand gav oss ei plattform å stå på. Vi fekk tru på at vi kan vere ein politisk aktør. Sjølv om vi i første omgang står utanfor maktens korridor; kommunestyresalen.
Ei av sakene vi hadde på side 1 på vår valkamp-brosjyre ved kommunevalet-19 var om barnevernet. «PDK Stryn vil arbeide for eit kompetent og familievenleg barnevern». I helse- og sosial delen av Partiet De Kristne sitt partiprogram står dette i delen som handlar om Barne- og Familievern: «Partiet De Kristne mener det i all praksis skal være to førende prinsipper for Barnevernets arbeid: At tiltak skal være så lite opprivende som mulig for barnet, og at den uttalte hensikten skal være å løse problemene, slik at barnet kan forbli hos foreldrene, eller tilbakeføres til disse så fort det er forsvarlig.»
Vi treng eit godt barnevern. Men mykje tyder på at ting må gjerast annleis og store endringar trengs i det norske barnevernet. Dommane mot den norske stat/barnevernet i Den Europeiske Menneskerettighets-domstolen i Strasbourg er meir enn ei ripe i lakken for Norge. Det er uverdig og vitnar om ein etat utan styring der brot på eigne retningslinjer og lovverk skjer utan at det får konsekvensar. Samnanger-rapporten, som har vore i medias søkelys i det siste, bekreftar bildet. Politisk redaktør i BT, Eirin Eikefjord, skriv dette i BT 15.mai: « I Samnanger peker granskerne på manglende dokumentasjon, manglende begrunnelse, manglende hjelpe-
tiltak. De samme temaene går igjen i granskingen av ti konfliktfylte saker i Bergen, og i den Europeiske Menneskerettighetsdomstolen.»
I fredag 15.mai Fjordingen kom Tor Åge Berglid med ein lang og grundig utgreiing utifrå sin rikholdige kjenskap til barnevernet både internasjonalt, nasjonalt og lokalt. Når det gjeld Stryn så prøvde han å få det forrige kommunestyret i tale om det lokale barnevernet. Utan resultat. I fredagens artikkel oppfordrar han det nye kommunestyret i Stryn å vedta gjennomgang av barnevernet sine rutiner og gransking av saker der det har kome mykje kritikk. PDK Stryn støttar Tor Åge Berglid i denne oppmodinga.
Er vi då imot barnevernet sidan vi ynskjer gjennomgang av rutiner? Nei. For det ville vere urimeleg å seie at vi er mot omsorgssenteret hvis vi ba om tilsyn/gjennomgang av rutiner etter klager frå pasientar/pårørande. Vi trur at ein gjennomgang av rutiner/ kvalitetssikring er nødvendig for å avdekke feil, rydde opp i ukultur og gjenreise tillit til vårt lokale barnevern.
Vår motivasjon er dette, som Eirin Eikefjord i BT skriv så treffande: «Det er ikke mulig å bøte for feil barnevernet gjør i ettertid. Derfor må systemet – gjennom utdanning, opplæring, rutiner, fagmiljøer, oppfølging og kontroll – hindre at feil skjer. Det eneste lyspunktet er at alle disse sakene kan bidra til det. Men det hjelper ikke dem som har mistet familien sin».
Jan Gudmund Skrivervik
Partiet De Kristne Stryn
Det er ikke helt riktig at det ikke går an å rette opp feil barnevern i ettertid. Barn er ikke planter, de har både tanker og følelser, og er ikke så «tilknyttet» fosterforeldre eller adoptivforeldre som barnevernets ideologi hevder. Det vil som regel være til barnets fordel å bli satt fri fra barnevernets ideologi og tvang og få vite og erfare sannheten. Dessuten er det viktig for barnet at det som kan gjøres om på, blir gjort, og at det blir gjort kjent at barnevernets handlinger mot familien var gale og ubegrunnet – det fungerer som oppreisning for barnet og er bra for barnets innstilling til livet og samfunnet.